Steamed fish

மென்மையான மீன் வகைகளான பரவா, புலுன்னா, லின்னா போன்றவை இதற்கு ஏற்றவை. மீனை முழுமையாக எடுத்தால் இப்படி அழகாக பரிமாறலாம்.

நன்கு சுத்தம் செய்யப்பட்ட மீனின் மேற்பரப்பை கத்தியால் கீறலிடவும் . அதன் பிறகு, அவிப்பதற்கு பயன்படுத்தும் வாழையிலையின் மேல் வைத்துக்கொள்ள வேண்டும். அதற்கு உப்பு, மஞ்சள்தூள், மிளகுத்தூள், பொடியாக நறுக்கிய வெள்ளைப் பூண்டு , சிறிது வினாக்கிரி சேர்த்து பேஸ்ட் செய்து மீனில் நன்கு தடவி சிறிது நேரம் வைக்கவும். பிறகு வாழை இலையில் மீனை சுற்றி, ஸ்டீமர் உதவியுடன் சுமார் 10 நிமிடம் அவிக்கவும் .

வேகவைத்த மீனை கவனமாக எடுத்து பரிமாறும் பாத்திரத்தில் வைக்கவும். வட்டமாக நறுக்கிய பெரிய வெங்காயம், பொடியாக நறுக்கிய பச்சை மிளகாய், உப்பு தூள் மற்றும் சிறிதளவு வினாகிரியுடன் அரைத்த கடுகு பேஸ்டையும் சேர்த்து மீனை சுவையூட்டி அலங்கரித்துக் கொள்ளவும் . தக்காளித் துண்டுகளையும் இப்படி வைப்பதனால் அவை சுவையாக இருப்பதோடு, ஊட்டச்சத்து தேவைகளையும் பூர்த்தி செய்கின்றது.