දිවුල් – පොල් කිරි අයිස්ක්‍රීම් / விளாம்பழம் – தேங்காய் பால் ஐஸ்கிரீம்

ஐஸ்கிரீம் பொதுவாக சீனி  மற்றும் கலோரிகள் அதிகம் உள்ள உணவு.சந்தையில் இருந்து வாங்கும் போது, ​​அதில் செயற்கை நிறங்கள், சுவையூட்டிகள்  மற்றும் பழுதுபடாமல்  பாதுகாக்கும் இரசாயன பதார்த்தங்களும் உள்ளடக்கப்பட்டுள்ளன.

இதை இன்று,  தோட்டத்தில் நிறைய பழங்கள் கிடைக்கும் போது, ​​கடையில் வாங்குவதை விட, குறைந்த செலவில், ஆரோக்கியமான முறையில் ஐஸ்கிரீம் செய்யலாம் என்பதை காட்டவே செய்துள்ளோம்.இந்த செய்முறையை எந்த பழத்திற்கும் பயன்படுத்தலாம்.

முதலில் தேங்காய் துருவலில் இருந்து கெட்டியான பால் மற்றும் இரண்டாம் பால் இரண்டையும் தனித்தனியாக இரண்டு பாத்திரங்களில் சேர்த்து. சுமார் இரண்டு மணி நேரம் குளிர்சாதன பெட்டியில் வைக்கவும்.

இரண்டு மணி நேரத்தில் பின் இரண்டு பாத்திரங்களிலும் உள்ள பால் மற்றும் தண்ணீர் இரண்டு தனித்தனி அடுக்குகளாக  பிரிந்திருப்பதை காண்பீர்கள் . ஒரு சிறிய ஸ்பூன் உதவியுடன் பாலை மட்டும் பிரித்து ஒரு தனி பாத்திரத்தில் வைத்துக்கொள்ளுங்கள்.

இரண்டு விளாம்பழங்களுடன் சுமார் அரை கப் பால் சேர்த்து கரைத்துக்கொண்டு அதில் உள்ள விதைகளை அகற்றிக்கொள்ளவும்.

பீட்டரைப் பயன்படுத்தி, மீதமுள்ள தேங்காய்ப்பாலை சுமார் 10 நிமிடங்கள் அடிக்கவும்.சுவைக்கு சீனி சேர்க்கவும் (நன்கு பழுத்த பழங்களுக்கு சீனி தேவைப்படாது), நிறுத்தி அடிக்கவும்.பின்னர் விளாம்பழத்துடனான  பாலை சேர்த்து மேலும் 5 நிமிடங்களுக்கு beat பண்ணவும்.

அதன் பிறகு இக்கலவையை பாத்திரத்தில் சேர்த்து  சுமார் இரண்டு மணி நேரம் குளிர்சாதன பெட்டியில் வைக்கவும். இந்த கலவை ஓரளவு உரைந்து குளிரான தன்மையில்,  மீண்டும் ஒரு முறை அடித்துக்கொள்ளவும்.

பின்னர் அதை மீண்டும் 6 மணி நேரம் குளிர்சாதன பெட்டியில் வைக்கவும்.

நீங்கள் சாப்பிட விரும்பும் போது, ​​அதை குளிர்சாதன பெட்டியில் இருந்து எடுத்து சுமார் 5 நிமிடங்கள் வைத்திருந்து சாப்பிடுங்கள்.