වියළි කොස් ඇට තැම්බුම / உலர் பலாவிதை அவியல்

சில காய்கறிகள் மற்றும் பழங்கள் ஆண்டு முழுவதும் ஒரே மாதிரியாக கிடைப்பதில்லை. சில காலங்களில் அதிகமாக இருக்கும் சில காலங்களில் தேடி பெற்றுக்கொள்ள முடியாமலும் இருக்கும். அறுவடைக் காலத்தில் விளைந்த விளைச்சல் வீணாகாமல் இருக்க, குறைந்த பருவத்தில் பயன்பெறும் வகையில் உணவைப் பாதுகாத்து வைப்பது பழங்காலத்திலிருந்தே நடைமுறையில் உள்ளது.அதற்கு பல முறைகள் பயன்படுத்தப்படுகின்றன. காயவைத்தல் (வத்தலிடல் ) மற்றும் கொதிக்கவைத்தலின் பின் காயவைத்தல் போன்ற முறைகள். பலாவிதைகளை இது போன்ற பல வழிகளில் பாதுகாக்கலாம்.இவ்வாறு பாதுகாக்கப்பட்ட பலாவிதைகளில் இருந்து இந்த சுவையான உணவு தயாரிக்கப்பட்டுள்ளது.

பலாகாய் ஒன்றை எடுத்தால் அதில் பல பலா விதைகள் உள்ளன. அவற்றை வீணாக்காமல் நீண்ட காலம் வைத்திருக்கும் வகையில் பதப்படுத்தி வைத்துக்கொண்டால், பலா விதைகள் தட்டுப்பாடு ஏற்படும் காலத்திலும் கூட இதுபோன்ற சுவையான உணவுகளை தயார் செய்யலாம்.

இவற்றை செய்வதற்கு பெரிய சிரமமில்லை. பலா விதைகள் அதிகமாக இருந்த காலங்களில், அவற்றை சுத்தம் செய்து, நன்கு கொதிக்கவைத்த வெந்நீரில் 10-15 நிமிடம் வைத்து, வெயிலில் நன்கு உலர்த்தவும். மூன்று நான்கு நாட்கள் கடும் வெயிலில் உலர்த்திய பின் இதை நீண்ட காலத்துக்கு வைத்திருக்கலாம். எனவே, இந்த பலாவிதைகளை காலை உணவாக வேகவைக்க நினைத்தால், தோலை நீக்கிய பின் (நன்கு காய்ந்திருப்பதால் தோல்கள் எளிதில் அகற்றப்படும்), அவற்றை ஒரு பாத்திரத்தில் தண்ணீருடன் சேர்த்து இரவு முழுவதும் ஊற வைக்க வேண்டும். இந்த பலா விதைகளை வேக வைக்கும் போது வற்றாளை கிழங்கின் இளம் இலை அல்லது தோரை இலை அல்லது சிங்கப்பூர் இலைகளை சேர்த்து வேகவைக்கலாம். நம் சொந்த தோட்டத்திலும் இவ்வகை கீரைகளை பெற்றுக்கொள்ளலாம்.

இது மிகவும் சுவையான உணவு. மற்றும் வாசனை மிகுந்த உணவு வகை . தேங்காய் சேர்த்தால் இன்னும் கொஞ்சம் சுவையாக இருக்கும்.