ඉතුරුම් බත් අග්ගලා / எஞ்சிய சோற்றிலான உருண்டை

எங்கள் சவாலை சோற்றில் இருந்து ஆரம்பிக்க நினைத்தோம்.காரணம், நம்மில் பலரின் முக்கிய உணவாக சோறு  இருப்பதாலாகும். இன்றைய காலக்கட்டத்தில் வாழ்க்கைச் செலவில், வீட்டில் சோறு  சமைக்க இல்லையென்றாலும், அடுத்த சாப்பாட்டுக்கு ஓரிரு வாய் சோறு  போதாத நேரமும் உண்டு. தற்செயலாக,  யாரும் சாப்பிடாமல் நிறைய சோறு மிகிதப்படும் சந்தர்ப்பங்களும் உண்டு.

படத்தில் எஞ்சிய சோற்றில் செய்யப்பட்ட இரண்டு உருண்டைகள்  உள்ளன.பிஸ்கட் போன்ற  மதிப்பில்லாத எண்ணெய், உப்பு, சீனி, செயற்கை இரசாயன சுவையூட்டிகள் மற்றும் பழுதுபடாமல் பாதுகாக்கும் இரசாயனங்கள் அடங்கிய ஆரோக்கியமற்ற, (ultra-processed) செய்யப்பட்ட உணவுகளை சேர்த்துக்கொள்ளுவதை தவிர்த்து , இவ்வகையான ஆரோக்கியமான உணவுகளை தெரிவு செய்ய பழகுவது  சிறந்ததாகும்.

இந்தஉருண்டைகள் காயவைத்த சோற்றை அரைத்து  மாவாக்கி தயாரிக்கப்படுகின்றன (நீங்கள் உரல் அல்லது கிரைண்டர் பயன்படுத்தலாம்), தேங்காய் மற்றும் தேங்காய் பாணி பயன்படுத்தி திரிபோஷா அல்லது பிற மா கலவை உருண்டைகள் செய்வது போல நீங்கள் வழக்கமாக முறையில் செய்துகொள்ளலாம் .பாணிக்கு  பதிலாக சீனி  சேர்க்கலாம் (சிவப்பு சீனி பரிந்துரைக்கப்படுகிறது) .தேங்காய் சேர்க்கும் போது எண்ணெய் அதிகம் என்பதால் கொஞ்சம் குறைவாகவே பயன்படுத்துவேன் .உப்பு/சீனி சேர்க்கும் போதும் குறைவாக பயன்படுத்துங்கள். நீங்கள் விரும்பும் அளவுக்கு சேர்க்கலாம்.நீங்கள் விரும்பினால் ஒரு சிட்டிகை உப்பு சேர்க்கலாம்.

உணவை வீணாக்காமல் இருப்பது, வீட்டிலேயே ஆரோக்கியமான சிற்றுண்டியை உருவாக்குவது மற்றும் இவ் வகையான உணவின் இன்னுமொரு  நன்மை என்னவென்றால், ஒரு பக்கெட்டைத் திறந்து சாப்பிடுவதை விட ஒரு குறிப்பிட்ட அளவு கலோரிகளை பெற்றுக்கொள்ளலாம். மேலும், வீட்டில் சிறு குழந்தைகள் இருந்தால், அவர்களை இந்த நடவடிக்கைகளில் ஈடுபடுத்துவதன் மூலம், அவர்களின் வாழ்க்கைத் திறன்கள் மற்றும் பெரியவர்களுடனான  உறவுகளிலும் முன்னேற்றங்கள் உண்டாகும். எவ்வாறு பார்த்தாலும்  இந்த சிறிய உணவுப் பழக்கங்கள் எல்லா வகையிலும் நன்மையே தருகின்றது.