Sprouts Salad

நம்மிடையே மிகவும் பிரபலமான சாலட் அல்லாதது இந்த sprouts salad அதாவது  பயறு மற்றும் கௌப்பி போன்ற உண்ணக்கூடிய முளைத்த விதைகளைப் பயன்படுத்தி தயாரிக்கப்படும் சாலடுகள்.

முதிர்ந்த தானியங்களை விட முளைத்த தானியங்களில் அதிக ஊட்டச்சத்துக்கள் உள்ளன.இவ்வகையான ஊட்டச்சத்துக்களில் ஃபோலேட், இரும்பு, வைட்டமின் சி, ஜிங்க், மெக்னீசியம் மற்றும் புரதம் ஆகியவை அடங்கும்.முளைத்த தானியங்களில் மாச்சத்து குறைவாக உள்ளது மற்றும் வழக்கமான தானியங்களை விட ஜீரணிக்க எளிதாக இருக்கும்.இதோ நான் எனது முறையில் செய்த sprouts salad.

நன்றாகக் கழுவிய பச்சைப்பயிறுடன் மூன்று மடங்கு தண்ணீர் சேர்த்து, மூடிய பாத்திரத்தில் 12 மணி நேரம் ஊற வைக்கவும். 12 மணி நேரம் கழித்து, பாத்திரத்தை ஒரு தடிப்பான துணியால் மூடி, இருண்ட இடத்தில் வைக்கவும். அப்போதுதான் வேர்கள் உருவாக  தொடங்கும். 7-8 மணி நேரம் கழித்து, வேர்கள் தோன்றியிருப்பதை காணக்கூடியதாக இருக்கும். (நான் இந்த சமயத்திலே பச்சை பயறை  சாலட்டுக்கு பயன்படுத்தினேன்) சுமார் இரண்டு நாட்கள் வைத்திருந்தால், அண்ணளவாக 2 அங்குல வேர்கள் கொண்ட பச்சை பயறை பெறலாம். (நீங்கள் விரும்பினால், முளைகள் மற்றும் பச்சை விதைகளை சாலட்டுக்கு பயன்படுத்தலாம்).

இதற்கு அந்த வகையில் வேர் முளைத்த பச்சைப்பயறு, வேகவைத்த கௌப்பி, கொண்டைக்கடலை, அவித்த முட்டை, சில கேரட் துண்டுகள், யானைக்கொய்யா, சிறிதளவு பசளி  இலைகள், நறுக்கிய வெங்காயம், பச்சை மிளகாய், உப்பு, மிளகு மற்றும் எலுமிச்சை சாறும் சேர்த்து கொள்ளவும். நான் சிறிதளவு தயிரும் உப்பு, மிளகு மற்றும் எலுமிச்சை சாறு சேர்த்து, அதை கலந்து சாலட்டின் (dressing) மேற் பகுதியாக சேர்த்து கொண்டேன்.