අවුරුදු කෑම මේසෙට වෙජිටේරියන් සීනි සම්බෝලයක් / புத்தாண்டு உணவு மேசைக்கு ஒரு சைவ சீனி சம்பல்

இந்த நாட்களில், வெங்காயம் , உலர்ந்த மாசி எல்லாம் விலை அதிகம். எனவே இன்று கொயிலை, வாழைப்பூ வைத்து சீனி சம்பல் செய்முறையை கொண்டு வந்தோம். வாழைப்பூ, கொயிலை ஆகியவற்றை, தோட்டத்தில், உள்ளூரில் இருந்து, எடுக்கக்கூடியவர்களிற்கு மிகக் குறைந்த அளவே செலவாகும்.

கொயிலையை சிறிய சதுரங்களாக வெட்டுங்கள்.

வாழைப்பூ, வெங்காயம் மற்றும் பூண்டை பொடியாக நறுக்கவும். சுவைக்கேற்ப சிறிது உப்பு தூள் கலந்து சிறிது நேரம் வைக்கவும்.

ஒரு தட்டையான கடாயில் சிறிது தேங்காய் எண்ணெயை எடுத்து அனைத்து பொருட்களையும் வறுக்கவும். கறிவேப்பிலையை மட்டும் வேறாக வறுக்கவும். இவற்றில் கொயிலை , வெங்காயத்தை மட்டும் கொஞ்சம் அதிகமாக வறுக்க வேண்டும். மற்றவையை விரைவில் இறக்கிவிடலாம். பின்னர் அதிகப்படியான எண்ணெயை அகற்ற சிறிது நேரம் ஒரு பாத்திரத்தில் வடிய வைக்கவும்.

வறுத்த அனைத்து பொருட்களையும் எடுத்து ஒரு பாத்திரத்தில் போட்டு, சுவைக்கு சிறிது உப்பு தூள், தேசிக்காய் சாறு, காய்ந்த மிளகாய் துண்டுகள் மற்றும் மூன்று தேக்கரண்டி சர்க்கரை சேர்த்து நன்கு கலக்கவும்.சுவையான சீனி சம்பல் தயார். இது உண்மையில் மிகவும் எளிதான சமையல், ஏனெனில் தேவையான போது முன்கூட்டியே வறுத்து வைத்துள்ள பொருட்களை சேர்த்து கிளறினால் போதும். கலந்த பிறகு, குளிர்சாதன பெட்டியைப் பயன்படுத்தாமல் சுமார் இரண்டு நாட்களுக்கு வைத்திருக்கலாம்.