ගෝවා බත් / கோவாவுடனான சோறு

நன்கு கழுவி சிறு துண்டுகளாக நறுக்கப்பட்ட கோவா  துண்டுகளுடன் தேவைக்கேற்ப உப்பு, மிளகுத்தூள், மஞ்சள் தூள் சேர்க்கவும். அத்தோடு வெங்காயம், பச்சை மிளகாய் மற்றும் தக்காளியையும் நறுக்கி வைத்துக்கொள்ளவும்.

கடாயில் சிறிது எண்ணெய் விட்டு சூடானதும் முதலில் கடுகு போடவும். பிறகு பூண்டு மற்றும் இஞ்சி விழுது சேர்க்கவும். அவற்றின் பச்சை வாசனை போய் பொன்னிறமாகும் வரை வறுக்கவும். பிறகு வெங்காயம், கறிவேப்பிலை, பச்சை மிளகாய் சேர்த்து சிறிது வதக்கவும்.

இப்போது பொடியாக நறுக்கிய கோவா  துண்டுகளை சேர்த்து நன்கு கலக்கவும்.அதே பாத்திரத்தில் ஒரு முட்டை, தக்காளி மற்றும் மாசி துண்டுகளை சேர்த்து, நன்கு கலந்து 2-3 நிமிடங்கள் சமைக்கவும். நீங்கள் விரும்பினால், முட்டைக்கு பதிலாக இறைச்சி அல்லது மீன் சேர்க்கலாம்.

நாம் வாங்கக்கூடிய புரத உணவுகளில்  மலிவானது  முட்டை, எனவே நான் ஒரு முட்டையை சேர்த்துக்கொண்டேன் . உங்கள் சுவைக்கு உப்பு மற்றும் மிளகு சேர்க்கவும்.இப்போது அதனுடன் 2 கப் சமைத்த சோற்றை  சேர்த்து நன்கு கலக்கவும்.சூடாக இருக்கும்போது சுவைக்கவும்.கோவா சோற்றை one pot dish என்றும் அழைக்கலாம், இது அவசரகாலத்தில் எளிதில் தயாரிக்ககூடியதாகும்.