බඩ ඉරිඟු ව්‍යාංජනය / சோளக் கறி

இரண்டு இளம் சோளத்தை எடுத்து விதைகளை பிரிதத்தெடுக்கவும்.பிறகு  இந்த சோள விதைகளை  கழுவி தனி கிண்ணத்தில் வைக்கவும். அதனுடன் நறுக்கிய தக்காளி, வெங்காயம், பச்சை மிளகாய், கறிவேப்பிலை, பொடியாக நறுக்கிய பூண்டு , மசாலா  தூள், மஞ்சள் தூள், மிளகாய்த்தூள் சேர்க்கவும். சோள விதைகளை மூடும் அளவுக்கு  தண்ணீர் சேர்த்து அடுப்பை சிம்மில் வைத்து நன்கு கொதிக்கவிடவும். சோளம்  நன்கு வெந்ததும் தண்ணீரை வடித்துக்கொண்டு  தேவைக்கேற்ப உப்பு சேர்த்து கிளறவும். இந்த நேரத்தில், ஒரு கப் தேங்காய் பால் சேர்க்கவும். நீங்கள் விரும்பினால்,  இன்னும் கொஞ்சம் அதிகமாகவும் தேங்காய் பால் சேர்க்கலாம். தேங்காய் பாலை நன்றாக கொதிக்க வைக்கவும். இப்போது சோளக் கறியை ஒரு பாத்திரத்தில் மாற்றி,தாளித்துக்கொள்ளலாம். (விரும்பினால் தாளிக்காமலும் சாப்பிடலாம்)

கறி தாளிப்பை செய்ய , முன்பு சமையலுக்குப் பயன்படுத்திய அதே பாத்திரத்தைப் பயன்படுத்தினேன். பாத்திரம் நன்கு சூடான பிறகு, அதில் ஒரு தேக்கரண்டி எண்ணெய் சேர்க்கவும். எண்ணெய் நன்கு காய்ந்ததும் அதில் ஒரு டீஸ்பூன் கடுகு சேர்க்கவும். கடுகு வெடிக்கும் போது, ​​நறுக்கிய வெங்காயம், நசுக்கிய பூண்டு, கறிவேப்பிலை மற்றும் இரண்டு நறுக்கிய காய்ந்த மிளகாய்களை  சேர்க்கவும். பொன்னிறமாகும் வரை வறுக்கவும், பின்னர் சோளகறியை சேர்த்து நன்கு கலக்கவும். அடுப்பின் தீயை குறைத்து மேலும் மூன்று நிமிடம் விட்டு அடுப்பிலிருந்து இறக்கவும்.