බඩ ඉරිඟු කිරිබත් / சோள பாற்சோறு

2 இளம் சோளத்தை  இரவு முழுவதும் தண்ணீரில் ஊற வைக்கவும்.. காலையில் அதன் விதைகளை  கை அல்லது கத்தியை பயன்படுத்தி பிரித்தெடுத்துக் கொள்ளவும் .பிரித்த விதைகளை அரிசியுடன் சேர்த்து வழக்கம் போல் பாற்சோறு செய்ய வேண்டும்..இன்று பாற்சோறு  கித்துல்  பாணியுடன் சாப்பிட்டோம். பாற்சோறுக்கான மிளகாய் சம்பலுடன் சாப்பிட்டாலும்   சுவையில் மாற்றமிருக்காது.

அதிக கஷ்டமின்றி இலகுவாக நாம் உண்ணும் சோற்றிலேயே   ஊட்டச் சத்து மட்டுமின்றி நார்ச்சத்து, வைட்டமின் ஏ, டி, தைமின் போன்ற சத்துக்களையும் உணவில் சேர்த்துக் கொள்ளலாம்.மேலும், சோளத்தில் ஃபோலேட் உள்ளடக்கம் அதிகமாக உள்ளது.உடலில் உள்ள இரத்த சிவப்பணுக்களின் உற்பத்திக்கும், வளரும் கருவில் உள்ள குழந்தையின்  மூளை வளர்ச்சிக்கும் ஃபோலேட் முக்கியமானதாகும்.