අළුකෙසෙල් ලෙලි කූණිස්සන් මැල්ලුම / சாம்பல் வாழைத்தோலுடன் கூனி இறால் சம்பல்

 சமைக்கும் போது தூக்கி எறியும் பல பொருட்களை நாம் உணவாக மாற்றியமைக்கலாம்.

இவை நேற்றைய தினம் சமைத்த வாழைக்காயில் எஞ்சிய தோல்கள் .வழக்கமான தேங்காய் சம்பல் செய்வது போல், பாத்திரத்தில் எண்ணெய் சேர்த்து, சூடானதும், நன்கு கழுவிய கூனி இறாலை சேர்க்கவும்.கூனி இறால் வதங்கியதும் மெலிதாக கீறிவைத்த வாழைக்காய் தோலையும்.

கறிவேப்பிலையையும் சேர்க்கவும்.தேங்காய், கொச்சி (தோட்டத்தில் அதிகம் இருப்பதால் பச்சை மிளகாய்க்கு பதிலாக கொச்சி பயன்படுத்தப்படுகிறது), பொடியாக நறுக்கிய பூண்டு, பிலிங்காய், வெங்காயம் சேர்த்து நன்கு கலந்து கொள்ளவும், அவற்றை வறுத்த கூனியிறால் மற்றும் வாழைக்காய் தோலுடன் சேர்க்கவும். அகப்பை கைப்பிடியின் உதவியுடன் நன்கு கலக்கவும்.தேங்காய் வதங்கியதும் அடுப்பில் இருந்து இறக்கிக்கொள்ளவும்.

காலையில் சோற்றுடன் சாப்பிட இதை நான் தயார் செய்தேன். இதனுடன் சோறு மட்டும் இருந்தாலும் ருசியாக இருக்கும். குழம்பு வேண்டுமானால் பால் குழம்பு ஒன்று செய்யலாம்.தேங்காய் சம்பலோடு சாப்பிடுவதை விட, இதில் புரதம் மற்றும் காய்கறிகளும் சேர்ந்துள்ளன. இடியப்பத்துடனும் கூட இதை உண்ணலாம். இது போல நாம் ஒதுக்கும் நிறைய தோல் வகை, பட்டைவகைகள் உணவாக பெற்றுக்கொள்ளக்கூடியதாக உள்ளன.