කිරි අල පොල් රොටී / சேப்பங்கிழங்கு தேங்காய் ரொட்டி

இன்று நாம் மற்றொரு உள்ளூர் கிழங்கு வகையில் இருந்து ரொட்டி செய்யப் போகிறோம். சேப்பங்கிழங்கு என்பது அதிக முயற்சியின்றி விளையும் ஒரு வகை கிழங்கு ஆகும், மேலும் தோட்டத்தில் நமக்கு இடம் கிடைக்கும் இடத்தில் இதை வளர்க்கலாம். சந்தையில் கூட இதன் விலை அதிகமாக இருக்காது. அதனால் கோதுமை மாவுக்கு பதிலாக இதில் ரொட்டி சாப்பிடலாம்.

நடுத்தர அளவுள்ள மூன்று சேப்பங்கிழங்குகளை எடுத்து நெருப்பின் மீது வைத்து நன்றாக சுடவும். இப்போது வெளிப்புறத்தை நன்கு துடைத்து, தோலை அகற்றவும். நன்கு சுட்ட சேப்பங்கிழங்ங்கின் தோலை எளிதில் அகற்றலாம். இப்போது சேப்பங்கிழங்கின் நடுப்பகுதி பஞ்சுப் போல் நன்றாக வெந்திருப்பதைக் காணலாம். சிறிது தேங்காய் துருவல் மற்றும் சுவைக்கேற்ப உப்பு சேர்த்து ரொட்டியை போல் பிசையவும். சிறிய உருண்டைகளாக செய்து, லேசாக எண்ணெய் தடவிய தட்டில் அல்லது வாழை இலையில் மெல்லியதாக தட்டவும். குறைந்த தீயில் இருபுறமும் சுட்டெடுக்கவும். சேப்பங்கிழங்கு ஏற்கனவே வேகவைத்துள்ளதால், இருபுறமும் சுட்டெடுக்க அதிக நேரம் எடுக்காது. இப்படி மூன்று சாதாரண அளவுள்ள சேப்பங்கிழங்கில் இருந்து 2 பெரிய ரொட்டிகளை செய்ய முடிந்தது. அதனால் நீங்கள் தினமும் சாப்பிடும் அதே தேங்காய் ரொட்டியை விட வித்தியாசமான சுவைக்கு இதனை செய்து பாருங்கள்.