මඤ්ඤොක්කා පොල් රොටී / மரவள்ளிக்கிழங்கு தேங்காய் ரொட்டி

ரொட்டியை கோதுமை மாவில் இருந்து மட்டுமே செய்ய வேண்டும் என்று இல்லை. அரிசி மா, குரக்கன் மா, சோள மா, மரவள்ளிக்கிழங்கு மா போன்ற பல்வேறு வகையான உள்ளூர் மா வகைகளையும், பலா விதை போன்ற உள்ளூர் காய்களையும் பயன்படுத்தி இதை செய்யலாம். அவை வெவ்வேறு சுவைகளைக் கொண்டுள்ளதோடு, நார்ச்சத்து, ஊட்டச்சத்து தரம் ஆகியவற்றின் அடிப்படையில் இறக்குமதி செய்யப்படும் கோதுமை மாவை விட மிகவும் சிறப்பானது. ஒவ்வொரு வகை ரொட்டிக்கும் எந்தளவு தண்ணீர் தேவை என்பதை நீங்கள் கொஞ்சம் செய்து பார்த்தே செய்து கற்றுக்கொள்ள வேண்டும். எனவே எங்கள் ரொட்டி சவாலின் முதல் செய்முறை மரவள்ளிக்கிழங்கு தேங்காய் ரொட்டி.

நடுத்தர அளவிலான 2 1/2 மரவள்ளிக்கிழங்குகளை நன்றாக அரைக்கவும். தேவையான அளவு தேங்காய் துருவல், உப்பு, பொடியாக நறுக்கிய 2 வெங்காயம், இரண்டு பச்சை மிளகாய், சிறிது கறிவேப்பிலை சேர்த்து நன்கு பிசையவும். சிறிது சிறிதாக தண்ணீர் சேர்த்து மா ஒட்டாத வகையில் பிசைந்து தேவையான அளவிலான உருண்டைகளை செய்து கொள்ளவும். சிறிது தேங்காய் எண்ணெயை ஒரு ரொட்டிக்கல்லில் அல்லது வாழை இலையில் தடவி. குறைந்த தீயில் இருபுறமும் வேகவைக்கவும். சூடாக இருக்கும் போது உண்டு மகிழவும்.