පැළ මුං සම්බෝලය / முளைப்பயறு சாலட்

இந்த சாலட் செய்வதற்கு, முளைப்பயறு , தேங்காய், தக்காளி, பச்சை மிளகாய், மிளகு, உப்பு, வெங்காயம், பூண்டு, எலுமிச்சை மற்றும் ஒரு சிட்டிகை மஞ்சள் தூள் இந்த சாலட் செய்ய தேவையானவையாகும் .

பயறை நன்றாகக் கழுவி, 24 மணி நேரம் ஊற வைக்கவும் , அதன்பின் சுத்தமான ஈரத்துணியில் இரண்டு அல்லது மூன்று நாட்கள் சுற்றி வைத்தால், பயறானது முளைக்க ஆரம்பிக்கும்.
இதனை தான் முளைப்பயறு என்கிறோம்.. சாதாரண பயறுடன் ஒப்பிடும்போது முளைப்பயறில் புரதத்தின் அளவு மிக அதிகம்.

முளைப்பயறை துணியில் இருந்து அகற்றி நன்றாகக் கழுவி, ஈரத்தைப் பிழிந்தெடுக்கவும், பச்சை மிளகாய், வெங்காயம், பூண்டு, மிளகுத்தூள், மஞ்சள் ஆகியவற்றை தேங்காய் துருவலில் நன்றாகக் கலந்து , முளைப்பயறு உள்ள கிண்ணத்தில் சேர்த்து, கடைசியாக தக்காளி, எலுமிச்சை சாறு சேர்த்துக் கலக்கவும் , சுவைக்கு ஏற்ப உப்பு சேர்க்கவும்.

குழந்தைகள் விரும்பி சாப்பிடக்கூடிய இந்த சாலட்டில் நீங்கள் விரும்பும் எந்த காய்கறியையும் சேர்க்கலாம்.(கேரட் ,பீட் ,சோளம் போன்றவை ) அது போல வேகவைத்த நாட்டு முட்டையையும் சேர்க்கலாம். அன்னாசி போன்ற பழங்கள் கூட சாலட்டுக்கு இன்னும் சுவையை சேர்க்கும்.