කිරි අල Green Soup / பால்சேம்புகிழங்கு Green Soup

பால்சேம்பு கிழங்கை வேகவைத்து தேங்காய் அல்லது மிளகாய் சம்பல்  சேர்த்து சாப்பிடுவதற்குப் பதிலாக, அந்த நேரத்தை செலவழித்து அதிக சத்தான காலை உணவை உருவாக்க முயற்சித்தேன்.

பால்சேம்பு கிழங்கு மட்டுமின்றி, வல்லாரை , பசளி , பயற்றங்காய் , கறிவேப்பிலை போன்றவற்றையும் தோட்டத்தில் சேகரித்தோம்.புரதத்தினை பெற  இறைச்சியை சிறு துண்டுகளாக வெட்டி சேர்த்து கொண்டேன். இருவருக்கு போதுமான அளவு இரண்டு பால்சேம்பு கிழங்குகளை  சிறிய துண்டுகளாக வெட்டி கொண்டேன்…சிறு துண்டுகளாக வெட்டும் அளவுக்கு வேகமாக  சமைத்துக்கொள்ளலாம் . அதே பாத்திரத்தில் பொடியாக நறுக்கிய பசளி ,வல்லாரை , கறிவேப்பிலை, சிக்கன் துண்டுகள், பூண்டு, மிளகுத்தூள், உப்பு தேவையான அளவு சேர்த்து தண்ணீரும் சேர்த்து கொதிக்கவிட வேண்டும்.செலவைப் பார்த்தால் இறைச்சிக்கு மட்டுமே  மேலதிக செலவானது..அரை மணி நேரத்தில் விறகு அடுப்பில் தயார் செய்துவிடலாம். உங்களிடம் பிளெண்டர் இருந்தால், நீங்கள் அதை அரைத்துக்கொள்ளலாம் . அவ்வாறு செய்வதால்  சூப்பை இன்னும் கிரீமியாக செய்யலாம்.